ஒரு திருமண விழா ...
ஆன்றோரும் சான்றோரும் ....
மணமக்களை வரிசையாக வாழ்த்துரைக்கின்றனர்.
இறுதியாக மணமகளின் தந்தை....
ஒலிவாங்கியின் முன் வந்து...
கண்களில் நீர் எட்டிப் பார்க்க...
வாயில் இருந்து வார்த்தைகள் வர எழும்பாமல் தவிக்க ....
ஒரு படியாகச் சமாளித்து ...
இதோ பேசுகிறார்.
வாருங்கள் கேட்போம்...
எனது மனதின் மகிழ்ச்சியான இந்த தருணத்தில் ....
பங்கு பெற்று சிறப்பித்த உங்கள் அனைவருக்கும் நன்றி.
இந்த நாள் வாழ்வில் எனக்கு மறக்க முடியாத நாளாக மாறிவிட்டது.
காரணம் ....
எங்கள் மகளை திருமணம் செய்து கொடுத்து விட்டோம்.
இனி ஓய்வெடுக்க விரும்புகிறோம்.
அதை அனுபவிக்கத் தயாராகி விட்டோம் .
நீங்கள் அவளை மகிழ்ச்சியாக வைத்துக் கொள்ள வேண்டும் ...
நான் எதிர்பார்ப்பதை விட நீங்கள் அவளை மகிழ்ச்சியுடன் வைத்துக் கொள்வீர்கள் என நான் நம்புகிறேன் .
அவள் என் வீட்டில் துள்ளித் திரிந்தவள்.
அதை விட உங்கள் வீட்டில் மகிழ்ச்சி துள்ளலோடு இருப்பாள் என நம்புகிறேன்.
இருந்தாலும் எல்லா சராசரி தந்தையை போலவும் நான் இதை திரும்பத் திரும்பச் சொல்லுகிறேன்.
தயவுசெய்து அவள் மகிழ்ச்சிக்கு குறை ஏதும் இல்லாமல் பார்த்துக் கொள்ளுங்கள்.
அவள் எப்போதுமே எனக்கு பாரமாக இருந்ததில்லை.
இனியும் ஒரு போதும் பாரமாகக் கருத மாட்டேன் .
ஏனெனில் என் சுவாசம் இயல்பாக இருப்பதற்கும் ...
என் இதழ்களில் புன்னகை பூப்பதற்கும் காரணம் அவள் மட்டுமே..,
இருந்தும் அவளை நான் திருமணம் செய்து கொடுக்கிறேன்.
ஏனென்றால் அது ஓர் இயற்கை நியதியாக இருக்கிறது.
கலாச்சாரத்துக்கு கட்டுப்பட்டு மட்டுமே உங்களுடைய வீட்டுக்கு அனுப்பி வைக்கிறேன்.
என்வீட்டின் மகிழ்ச்சிப் பேழையே அவள்தான்...
அந்தப் பேழை உங்கள் வீட்டில் ஒளி வீச வருகிறது...
எனது உலகத்தை உங்களுக்கு தாரை வார்த்துத் தருகிறேன்.
அந்த உலகம் என்றென்றைக்கும் அழகாக இருப்பதை நீங்கள் உறுதி செய்ய வேண்டும் .
எனது இளவரசியை உங்களிடம் அனுப்புகிறேன்.
அவள் உங்கள் வீட்டில் ராணியாக திகழ வழிவகை செய்யுங்கள்.
எனது ரத்தமும் வியர்வையும் அவளை ஆளாக்கி இருக்கிறது.
இப்போது அவள் மாசறு பொன்னாக இருக்கிறாள் .
அவள் உங்கள் வீட்டுக்குக் கொண்டு வரும்...
அன்பு, அக்கறை ,அரவணைப்பு ,
அழகு, இதம் என .....
எல்லா பண்புகளுக்கும் பரிசாக அவளுக்கு மகிழ்ச்சியைத் தாருங்கள்.
ஆம் அவளை தயவு செய்து மகிழ்ச்சியுடன் வைத்துக் கொள்ளுங்கள்.
எப்போதாவது அவள் சிறு தவறு செய்து விட்டாள் என நினைத்தால் ...
அவளைத் தாராளமாக திட்டுங்கள்.
ஆனால் அதே வேளையில் ,
அவள் மேல் செலுத்தும் அன்பில் குறை வைக்காதீர்கள் .
அவள் மிகவும் நளினமானவள்.
அவள் எப்போதாவது சோர்ந்து போயிருந்தால் ....
அவளுடன் இருங்கள் !
உங்களது சிறு கவனம் அவளுக்குப் போதும்
ஆறுதல் தர .
அவளுக்கு உடல் நலன் பாதிக்கப்பட்டால்...
அவள் மீது அக்கறை காட்டுங்கள்.
அதுவே அவளுக்கு அருமருந்து. அவளது பொறுப்புகளில் எப்போதாவது விலகி விட்டால்....
அதைச் சுட்டிக் காட்டுங்கள் .
அவளைப் புரிந்து கொள்ளுங்கள்
தயவு செய்து அவரை மகிழ்ச்சியாக வைத்துக் கொள்ளுங்கள்.
என் மகளின் மகிழ்ச்சி மட்டுமே என் வாழ்நாள் இலட்சியம்.
எனவே தயவு செய்து அவளை மகிழ்ச்சியாக வைத்துக் கொள்ளுங்கள்.
அன்பிற்குரிய மருமகனே !
இந்த வார்த்தைகளின் அர்த்தம் இப்பொழுது உங்களுக்கு புரியாமல் போகலாம் .
ஆனால் நாளை நீங்கள் ஒரு மகளைப் பெற்றெடுக்கும் பாக்கியவான் ஆகும் போது....
எனது வார்த்தைகளின் அர்த்தம் புரியும்.
அப்பொழுது உங்கள் இதயத்தின் ஒவ்வொரு துடிப்பும்....
என் மகள் மகிழ்ச்சியாக இருக்க வேண்டும் என்று சொல்லும்.
எனவே தயவு செய்து எனது மகளை மகிழ்ச்சியாக வைத்துக் கொள்ளுங்கள். நன்றி
எழுத்து வடிவில் ஆன அந்த தந்தையின் இந்த உரையைப் படித்த பொழுது என்னுள்
ஏனோ ஒரு நெகிழ்ச்சி...
இயற்கையின் நியதிப்படி ....
எந்த ஒரு தந்தையும் ஏதாவது ஒரு நிலையில் ....
மகளை பிரிந்து தான் ஆக வேண்டும்.
தேவதை போல் தங்கள் வீட்டில் வலம் வந்தாலும்....
மணமாகிச்சென்ற இடத்தில்...
அந்த அருமை மகளை எப்படிப் பேண வேண்டும் என்பதை ....
மணமகன் வீட்டாருக்கும் ....
மணமகனுக்கும் ...
மயிலிறகால் வருடுவது போல அந்தப் பாசமிகு தந்தை உதிர்த்த வார்த்தைகள்....
என் மனதைப் பிழிந்தது.
என்னை உலுக்கிய அந்த வரிகள்....
ஏன் உங்களையும் உலுக்கட்டுமே...
கருத்துகள்
கருத்துரையிடுக